నా మనసు పూదోటలో
వెల్లి విరిసింది ఓ తెల్ల గులాబీ
ఆ సుగంధాలకు
గులామ్ నై
కడ్తున్నా మెరూన్ మాలల్ని
ఇస్తున్నా సలామ్ సుమాల్ని
ఆ సాన్నిధ్యం
నాకొక దివ్యానుభూతి
ఆ పరిమళంలో
అనిర్వచనీయ శాంతి
అందం... సౌకుమార్యం
అన్నిటినీ మించిన
ఆ పూరేకుల తెల్లదనం
ఆ స్వచ్చతలోని ప్రశాంతత
ఆ మెత్తదనంలోని మమకారం
ఆ దగ్గరితనంలోని ఆత్మీయత
లాలిత్యానికి మారుపేరైన ఆడతనం
అభిజాత్యం చూపే జాణతనం
తాజాదనంలోని ప్రేమగుణం
అన్నీ కలగలిసిన ఓ అద్భుతం
ఆమెతో నా అనుబంధం
అదో అందమైన అనుభవం
- దీక్షిత్
No comments:
Post a Comment