శ్రీ రామాయణం యానిమేషన్ స్క్రిప్ట్ (స్టొరీ బోర్డు) ...By Deekshitula Subrahmanyam

శ్రీ రామాయణం యానిమేషన్ స్క్రిప్ట్ (స్టొరీ బోర్డు) 

--------------------------------------------------

శ్రీ

రామాయణం

కథాసుధ

శ్రీ వాల్మీకి మహర్షి

ఆర్ట్ అండ్  క్యారికేచర్స్

మోటూరి శ్రీ

గానం

గాత్రదానం

ఆడియో ఎఫెక్ట్స్

రికార్డింగ్

సంగీతం

బెండపూడి చిన్నబాబు

Music

Bendapudi Chinnabaabu 

యానిమేషన్, 

ఎఫెక్ట్స్ అండ్ గ్రాఫిక్స్

మోటూరి రాజశేఖర్ 

Animation, Effects and Graphics 

Moturi RajaSekhar 

చిత్రానువాదం

మాటలు, పాటలు

దర్శకత్వం

దీక్షితుల సుబ్రహ్మణ్యం

Screenplay , Dialogues, Songs 

Direction

Deekshitula Subrahmanyam 

--------------------------------------

చిత్రానువాదం (స్క్రీన్ ప్లే )

టైటిల్ కార్డ్స్ వస్తుండగా నేపధ్యం లో వినిపించే పాట (మంద్రంగా ఒక చాంటింగ్ స్టైల్ లో )

రామ చరితం .. సుధా భరితం

రామ చరితం ... సత్య వచనం

రామ చరితం .. దివ్య రచనం

రామచరితం .. యోగి వినుతం

రామ చరితం .. తపోనిరతం

రామ చరితం . మహిమోపేతం

రామ చరితం.. సర్వరంజితం

రామ చరితం .. సకల సాధకం

రామ చరితం .. సర్వ సఫలం

రామ చరితం .. సకల విజయం

రామ చరితం .. సుజన సుఫలం

రామ చరితం .. హనుమ సేవితం

రామ చరితం .. లోకపావనం

రామ చరితం .. సతత పూజితం

రామ చరితం .. శాంతి మంత్రం

రామ చరితం .. వేద నిలయం

రామ చరితం .. దుఃఖ హరణం

రామ చరితం .. సుకృత ఫలితం

రామ చరితం .. దేవ బాంధవం

రామ చరితం .. తారక మంత్రం

రామ చరితం .. బంధ మోచనం

రామ చరితం .. భక్త తారణం

రామ చరితం .. దుష్ట భంజనం

రామ చరితం .. అద్భుత ఫలదం

రామ చరితం .. మోక్ష సౌధం

రామ చరితం .. దేవ సన్నుతం

రామ చరితం .. విష్ణు విభవం

రామ చరితం .. మంగళ సూత్రం

రామచరితం .. సత్వ శోభితం                    (24 సరిపోతాయి )

 ---------------------------------

( పాట , టైటిల్స్ ముగుస్తాయి )

ప్రారంభ దృశ్యం...

ఒక మనోహరమైన అడవి లాంగ్ వ్యూ లో కనిపిస్తుంది....

పర్వతాల నడుమ సూర్యోదయాన్ని, సరోవరంపై ఎగురుతున్న పక్షుల్ని చూపిస్తాం ...

క్లోజ్ అప్ షాట్ లో

ఏడుగురు మునులు నడిచి వస్తుంటారు...

బ్యాక్ గ్రౌండ్ లో ఓం నమో నారాయణాయ అనే మంత్రం వినిపిస్తూ ఉంటుంది..

వాళ్ళు స్క్రీన్ కి దగ్గరగా వచ్చే సరికి ఒక వికటాట్టహాసం...

కత్తి, బాణం ధరించి, వికృతంగా కనిపిస్తున్న ఒక దొంగ వారిని ఆటకాయిస్తాడు

దొంగ : ఒహోయ్ సన్యాసులూ ఏమున్నాయి ఆ సంచుల్లో.. ప్రాణాలపై ఆశ ఉంటే మీ దగ్గర ఉన్న ధనమంతా నాకిచ్చి పొండి

లేదా ఇదిగో ఈ కత్తితో మీ కుత్తుకలు కోస్తా

ముని : నాయనా మాదగ్గర ఏ ధనమూ లేదయ్యా .. మేము అరణ్యముల యందు ముక్కు మూసుకొని తపస్సు చేసుకునే మునులం

మరో ముని : వాయు భక్షకులం.. నిరంతర దైవ చింతనా పరులం ... మా దగ్గర ఇహ సంపదలేమి ఉండవు ... మమ్ము వదిలి పెట్టవయ్యా

దొంగ: (ఆగ్రహంతో ) హార్నీ అడగకుండానే హరికథలు చెబుతున్నారు సాములూ... ఇక చాలు ... మీ అంతట మీరు ఇస్తారా లేక మీద పడి లాక్కోమంటారా?

(అంటూ రుషులపై కత్తి తిప్పుతూ దూకబోతుండగా ...

అప్పుడు బ్యాక్ గ్రౌండ్ లో సాంగ్ మొదలౌతుంది

పాట నడుస్తుండగా కథా గమనం

మునులు దొంగకు సర్ది చెప్పడం .. అతడికి తత్వం బోధపడేలా చేసేందుకు ప్రయత్నించడం ...

దొంగ తమ మాట వినక పోగా మరింత రెచ్చిపోగా .. మునులు అతడికి అతడి పాపం ఎంతటిదో ప్రత్యక్షంగా చూపిస్తారు. 

తన వెనుక కొండంత రాక్షసాకృతిలో నిలిచిన తన పాపాన్ని గని దొంగ భయపడతాడు.

ఈ పాపం అంతా నీ భార్యా బిడ్డల కోసం ఆర్జించినదే కాబట్టి వారిని కూడా వాటా పంచుకోవాలని అడిగి చూడమని మునులు అతడ్ని ఇంటికి పంపడం 

అపుడు దొంగ వారికి సరే .. వెళ్లి వస్తానని తెలిపి తన ఇంటికి పోవడం చూపాలి

ఒక పూరి గుడిసె దొంగ నివాసం

ఇంటివద్ద భార్యా బిడ్డల్ని పిలిచి దొంగ తన పాపాలలో భాగం  ఎవరు తీసుకుంటారని అడుగుతాడు ... వారంతా నీ పాపాలకు నీవే బాధ్యుడివి తప్ప మేము కాదని చెబుతారు 

ఇక విరక్తి చెందిన ఆ పాపాత్ముడు తన పాపం వెంటపడి తరుముతూ ఉండగా ఋషుల చెంతకు వస్తాడు. 

వారి పాదాలపై పడి శరణు వేడుతాడు. 

దైవమే ధ్యాసగా

ధర్మమే శ్వాసగా

కదిలే రుషులకు కలిసెను చోరుడు

పాప పుణ్యములు ఎంచని వాడు

దారులు కొట్టి బతికే దుష్టుడు                 (దైవమే)

మునుల మహిమను ఎరుగక బోయెను

కాసుల కోసం గుడ్డిగా వెదికేను 

సంపదలిమ్మని సతాయించేను

చంపుదు నేనని హుంకరించేను                 (దైవమే)

అంతట మునులా దుష్టుని మార్చగ

సంకల్పమునే మనమున చేసిరి 

లోకహితమును చేయగ బూనిరి

దుష్ట కార్యములు తగవని పలికిరి 

పరిపరి విధముల నచ్చజేప్పిరి

మూర్ఖుడి మనసును మార్చగ చూసిరి 

అంతకంతకు చోరుడు రేగగా 

అతడి పాపమును అతడికి చూపిరి 

అంతటితో ఆ మూర్ఖుడు బెదిరెను 

కొండంతగా తన వెనుకనే జేరి 

మింగబోవు దుష్కర్మకు వగచేను                 (దైవమే)

అంతట ఋషులు యోచన జేసిరి

వివేచనతో మార్చగ తలచిరి 

నిధులను మించిన పెన్నిధి కలదు 

కాని ముందుగా నీ పాపములకు

వారసులెవ్వరో చెప్పాలనుచు

షరతును పెట్టిరా తపోధనులు                     (దైవమే)

అంతట నేరుగా ఇంటికి బోయిన

చోరుని మనసుకు సత్యము తెలిసే...

పాప పుణ్యములే ఆస్తిపాస్తులనీ

ఆలుబిడ్డలును  వెంట రారని

చోరును మనసుకు తత్వము తెలిసే

అంతట దీనుడై .. వ్యధార్త హృదయుడై

పాపవిముక్తికి వేడెను చోరుడు

కన్నీటితో రుషి పాదము కడిగెను                  (దైవమే)

ఆతడి ఆర్తికి, పరివర్తనకు 

కరిగిపోయిరా త్యాగమూర్తులు

తారక మంత్ర ఉపదేశంతో

తపోసంపదను ధారపోసిరి

జగతికి అమృత సంపదనిచ్చి

సాగిపోయేనా మహర్షి సంఘము                     (దైవమే)

రామ భారత లక్ష్మణ శత్రుఘ్నుల జననం తర్వాత వారి బాల్యాన్ని చూపుతూ సాగే పాట 

శ్రీరామ శ్రీరామ ఉయ్యాలా 

నా కన్నా తండ్రీ ఉయ్యాలా 

రాజీవ లోచనా ఉయ్యాలా 

రతనాల పలుకులే ఉయ్యాలా 

నీలమేఘ శ్యామ ఉయ్యాలా 

నినుమించి ప్రియమేది ఉయ్యాలా 

చల్ల వెన్నెలలు చిలుకు ఉయ్యాలా 

నీ కంటి వెలుగులే ఉయ్యాలా 

నీ ముద్దు మోము గని ఉయ్యాలా 

జగమంత మురిసేను ఉయ్యాలా 

నీ నిండు నవ్వులకు ఉయ్యాలా 

చినబోయే చంద్రుడే ఉయ్యాలా 

నీ చిట్టి మాటలే ఉయ్యాలా 

వేదాల బాసలు ఉయ్యాలా 

అనురాగ మూర్తివి ఉయ్యాలా 

అందరికి తండ్రివి ఉయ్యాలా 

మా నోము పండగా ఉయ్యాలా

మా బిడ్డవైతివి ఉయ్యాలా 

శ్రీరాముడు, సుగ్రీవునికి మధ్య స్నేహ బంధం అగ్నిసాక్షిగా నెలకొన్న సందర్భంగా... ఈ మహత్కార్య సంధాత హనుమంతుడ్ని ప్రశంసిస్తూ సాగే పాట

రామ సుగ్రీవుల స్నేహమే  సత్యం

అగ్నిదేవుడే అందుకు సాక్ష్యం

హనుమ చేసిన ఈ అద్భుత కార్యం

శిష్ట జగతికిది  మహోపకారం                            ( రామ సుగ్రీవుల )

సీతామాత అన్వేషణకు

లోక కంటకుల పరిమార్చుటకు

కుదిరెను నేడే శుభ సంకల్పం

సఫలము కాగల దివ్య ముహూర్తం                       ( రామ సుగ్రీవుల )

స్నేహ బాంధవుని సన్నిధి సుఖమని

సత్య సంధుని సుముఖమే జయమని

నమ్మిన సుగ్రీవు కల నెరవేరెను

నరపతి బాణము వాలి జంపెను                           ( రామ సుగ్రీవుల ) 

---------------------------------------------

వాయుతనయుని సముద్ర లంఘన సమయాన వచ్చే బ్యాక్ గ్రౌండ్ సాంగ్ 

--------------------------------------------------------------------------------

అప్రమేయం మహా కాయం

అద్వితీయం రామ కార్యం

సూర్య తేజం మెరయుచుండగ

గగన వీధిన ఎగురుచుండగా

ప్రచండ వేగం అఖండ యోగం 

అనితరము నీ స్వామీ భక్తీ

ఎల్లలెరుగదు నీదు కీర్తి

ఆంజనేయుని విశ్వరూపం

జగజ్జనులకు పుణ్య ఫలితం 

పుష్పక విమాన విశేషాల వర్ణన 

--------------------------------

దివ్య విమానం 

ఇది సత్య ప్రమాణం 

దీనికిదే సాటి 

పదునాల్గు భువనాలలో 

లేనే లేదు పోటి 

ఇదే ఇదే పుష్పకం 

సర్వ జనాకర్షకం

అనంతమీ విచిత్రం   

అణువణువూ అద్భుతం 

మనోవేగము.. అక్షయ సుఖము 

విలాస విశేష భోగ లాలసము 

దివ్య విమానం 

ఇది సత్య ప్రమాణం

దీనికిదే సాటి 

పదునాల్గు భువనాలలో 

లేనే లేదు పోటి 

ఇదే ఇదే పుష్పకం 

సర్వ జనాకర్షకం 

రావణునికి మారీచుని హితబోధ 

------------------------------------

ధర్మమే ధరనవతరిస్తే ఇనకుల సోముడై ఇల చరిస్తే

రాముడై శోభించునయ్యా ... లోకపాలన చేయునయ్యా 

విష్ణువితడికి వేరు కాదు ... మహాదేవుడు కాకపోడు

దానవాగ్రణి తెలుసుకో ... దారి తెలిసి మసలుకో 

బాలుడిగ ఉన్ననాడే కాలుడై సుబాహు జంపెను 

ఒక్క బాణము తోడ నన్ను ఇంతదూరం విసిరివైచెను 

నేడు ఆతడు సమర శ్రేష్టుడు ... సర్వవిద్యల అగ్ర పూజ్యుడు 

దానవాగ్రణి తెలుసుకో ... దారి తెలిసి మసలుకో 

అతడి కోపం నీకు శాపం ... నీదు జాతికి మిగులు తాపం 

ఇంకనైనను నిజమునెరుగుము... దైవశక్తిపై కక్ష విడువుము 

కాదులేదని మిడిసిపడితే.. మడియుదుము మనమందరమూ 

దానవాగ్రణి తెలుసుకో ... దారి తెలిసి మసలుకో 

 

15 నుంచి శుభా మోహన్ చిత్రాల ప్రదర్శన

ఔత్సాహిక చిత్రకారిణి శుభామోహన్ చిత్రాల ప్రదర్శన ఆంధ్ర ప్రదేశ్ సాంస్కృతిక రాజధాని రాజమండ్రిలో మార్చి 15 వ తేది నుంచి ప్రారంభం కానుంది. ప్రముఖ చిత్రకారుడు గువ్వల కెన్నడి సతీమణి, ప్రఖ్యాత చిత్రకారిణి పద్మ శిష్యురాలిగా శుభామోహన్ సుపరిచితురాలు. తమిళనాడు రాష్ట్రంలోని చిదంబరానికి చెందిన శుభా మోహన్ ఫ్రీ హ్యాండ్ ఆర్ట్ లో ప్రసిద్ధురాలు. ఆమె చిత్రాల ప్రదర్శనను కెన్నెడీ దంపతులు ప్రతిష్టాత్మకంగా తీసుకుని నిర్వహిస్తున్నారు. నగర, గోదావరి జిల్లాల కళాభిమానుల కనుల పంటగా ఈ ప్రదర్శన మూడు రోజుల పాటు ఆనం రోటరీ హాల్లో జరగనుంది. ఈ ప్రదర్శనను కాంగ్రెస్ నాయకుడు సిఘాకోల్లపు శివరామ సుబ్రహ్మణ్యం ప్రారంభిస్తారు. ఎం ఎల్ సి కందుల దుర్గేశ్ జ్యోతి ప్రజ్వలన చేస్తారు. ఎమ్మెల్యే రౌతు సూర్య ప్రకాశ రావు, సమాచార శాఖ ఏడి ఎం ఫ్రాన్సిస్, ఇంకా పంతం కొండలరావు, బొమ్మన రాజ్ కుమార్, పట్టపగలు వెంకటరావు, టి రామనారాయణ పాల్గొంటారు.

వినాయక చవితి శుభాకాంక్షలు

విద్యాధిపతి, విఘ్నాధిపతి అయిన ఆ వినాయకుడు అందరికీ విద్యా, ఐశ్వర్య సంపదలను ఒసగి నిర్విఘ్నంగా సకల శుభాలను సమకూర్చాలని ఆశిస్తూ, ఆకాంక్షిస్తూ... అందరికీ శ్రీ వినాయక చవితి శుభాకాంక్షలు.
                                                                                                                               - POETS DIAS TEAM

నివేదన

నివేదన

ఎందుకో...
ఈ పున్నమి రాత్రి
చందమామ చిన్నబోయింది!
ఆకాశమంత అంధకారం
రేయంతా రాజ్యమేలింది
వసంతం కాస్తా శిశిరంగా మారి
ఆశల చివుళ్ళను నిర్దాక్షిణ్యంగా
రాల్చి పారేసింది
గోదావరి తన గుసగుసలు మాని
మౌనాన్ని ఆశ్రయించింది!
చుట్టూ ఎందరున్నా...
నన్ను ఒంటరితనం ఆవహించింది
మదిలోని విచారంతో
బరువెక్కిన కాలం
ఎంతమాత్రం కదలనంటోంది
నీ వియోగం తాళలేక
నా బ్రతుకే భారంగా మారింది
ప్రియతమా !
ఎందుకీ శోధన....
అర్ధం కాలేదా నా హృదయ (ని)వేదన ?
                                  -దీక్షిత్

కవీ నీ పాటల్...

శంభుమహంతి రత్నకిషోర్ 
అతడి పేరు కె. సుభాష్ చంద్రబోస్, కానీ నేను సెహబాష్ చంద్రబోస్ అంటాను. అలా ఎందుకంటానంటే .... ప్లీజ్ ! లాగిన్ మై వ్యూస్.
కోట దాటి వచ్చా తోట దాటి వచ్చా కొమ్మలాగ వచ్చా కొత్త ప్రేమ తెచ్చా... సారీ వీటి తర్వాతో... ముందో ఉన్న లైన్లు గుర్తుకు రావట్లే... ట్యూన్ నడక ఎంత లయబద్ధంగా వెళ్తుందో అంతే నోవలిష్ గా సార్ రాసుకువెళ్ళారు. అన్నట్టు నిన్ననే సార్ ఇంటర్వ్యూకి లీడ్ రాశా,  ఆ.. ఇప్పుడు గుర్తొచ్చింది.. మేఘమల్లె వచ్చా మెరుపులిచ్చా.. అంటూ సూపర్ సూపర్ గా ఆయన పదాల రెండరింగ్ వెళుతుంది. ఈ మాట చాలా లేటుగా చెబుతున్నా... కానీ చాటుగా మాటుగా చెప్పట్లే ! ఎంత కొత్త స్టైల్ అది. పెరటిలోన పెంచుకున్న ముద్దబంతిలా... పెరుగులోన నంచుకున్న ఆవకాయిలా అంటూ ఆ "ముగ్ధ" మనోహర సౌందర్యాన్ని వర్ణిస్తారాయన. అన్నట్టు సింధూరం వచ్చి చాలా నాళ్ళైంది కదూ ! ఇప్పుడు గుర్తుకు రావడమేవిటో... కృష్ణవంశీ సిట్యుయేషన్కి, శ్రీ సింగింగ్ కి హండ్రెడ్ పర్సెంట్ సూట్ అయిన పాట అది. అప్పట్లో ఓ కుదుపు... అప్పటికే కాదు ఇప్పటికీ...

35నిమిషాల్లో పాట రాశాను అంటూ నీ నవ్వుల తెల్లదనాన్ని గురించి... చాలాకాలం వైట్ చేశాను అంటూ పంచదార బొమ్మ గురించీ తన అనుభవాల్ని పంచుకుంటారు. ఏం చేసినా మోడ్రన్ రెండరింగ్ ఆయనకే సొంతం. అలాగని భావుకత లేదా అంటే... అబ్బో .. కావల్సినంత....ఇతరులకు పంచాల్సినంత.... ప్రేమలు పుట్టే వేళ పగలంతా రేయేలే.. ప్రేమలు పండే వేళ జగమంతా జాతరలే... ఇది సెట్స్ లో ఉండి రత్నం దగ్గర కూర్చుని రాసొచ్చేశారట. విశేషం ఏమిటంటే ఈ పాటకు కొరియోగ్రఫీ సుచిత్రా మేడం కావడం. ఎనీ హౌ ఆయన మాట చలివేంద్రం...ఆయన పాట చంద్రోదయం. స్త్రీలంక, వయస్కాంతం, భామచారి.. ఇలా చెప్పుకుంటూ పోతే ఆయన ఎన్నో ప్లాటినం పదాల రారాజు. బాగా గుర్తు.. అక్కినేని ఓ సందర్భంలో మౌనంగానే ఎదగమని పాట గురించి ప్రస్తావిస్తూ ఈ పాట ఈ కుర్రాడి మునిమనవల వరకూ నిలిచిపోతుందంటూ ప్రశంసించారు.  గుడుంబా శంకర్ లో లేలే.. ఇవాళే లేలే పాట గురించి చెప్పుకుంటే... బతుకుంది చావుంది చచ్చేదాక బతుకుంది చచ్చాకా బతికేలా బతకాలే అంటూ ఎంతో సూపర్బ్ గా రాశారు. ఈ మాటలు తలుచుకున్నప్పుడల్లా " చచ్చి చచ్చి బతుకుదాం/ నచ్చిన దారులు వెదుకుదాం/ చాటుగా ఊపిరి పీల్చడం... లేటుగా వెలుతురు కాల్చడం మాని చీకటి చిగుళ్ళను గతుకుదాం" అన్న శ్రీ శ్రీ మాటలు గుర్తొస్తాయి.

అంతేనా! వాలే పొద్దుని... దొరలాంటి దొంగని... చూసే పెదవిని... మాట్లాడే కనులని అంటూ చాలా భావుకత గుప్పించారు. ఈ పాట విని "సిరివెన్నెల" ఫోన్ చేసి ప్రతి లైన్ నీ చదివి వినిపించి మరీ మెచ్చుకున్నారట. అంతెందుకు నా పేరు చెప్పుకోండి మీలో ఎవరైనా పాటనే వినండి. అన్ని రాగాలతోటి అల్లుకుంటాను గానీ నా పేరు రాగిణి కాదు...
నీలి మేఘాలతో ఆడుకుంటాను గానీ నా పేరు నీలిమ కాదు...భాగ్యాలు ఎన్నో నాకున్నా గానీ నాపేరు భాగ్యం కాదు అంటూ మీరా కాదు కల్పన కాదు అంటూ తన పేరు చెప్పుకోమంటూ... చాలా బాగా చమత్కరించారు. ఇది విన్న తర్వాత రచయిత కులశేఖర్ ఓ ఫోన్ ఇన్ లైవ్లో సార్ ని అభినందించారు. ఇలా చెప్పుకుంటూ పోతే ఎన్నో... ఏదేమైనా నాకు మహబాగా నచ్చిన పంక్తులు ప్రస్తావిస్తా... పైనా నీపైనా పడుతుంటే చీకటి వానా తేనా నే తేనా చంద్రుడ్నే గొడుగుగ తేనా అంటూ సూపర్బ్ గా చెప్పిన అన్నయ్యకి... థ్యాంక్స్ చెప్పుకుంటూ... దేవుడ్నే పిలిచావంటే రాడు రాడు ఎంతో బిజీ అన్న అన్నయ్య మరింత బిజీ కావాలని ఆశిస్తూ... ఫైవ్ ఫీట్ ఎయిట్ ఇంచెస్ కింగ్ లాంటి శీనుగాడు .. ఫైవ్ ఫీట్ ఫోర్ ఇంచెస్ సుబ్బలక్ష్మికి పడిపోయాడు అంటూ మోడ్రనిజాన్ని... దాని మేనరిజాన్ని పతాకస్థాయిలో నిలబెట్టాలని ఆకాంక్షిస్తూ...

పీఎస్: తార తళుకు తార అన్న పాట రాస్తున్న సందర్భమది. వినయ్ (అదేనండీ వి.వి.వినాయక్) దగ్గరికి  తార తళుకు తార స్థానంలో నయనతార అని రాసుకుని వెళ్ళారట. వద్దు తళుకు తార ఉంచండి అని వినయ్ సూచన చేశారట. ఎక్కడో పుట్టి ఎక్కడో పెరిగి .. పాట రాసినప్పుడు కూడా ఆయనకు చిలిపిదనపు చివరి మలుపులో అన్నది మొదట తట్టలేదట. ముందో ఎక్స్ ప్రెషన్ అనుకుని ఆ తర్వాత ఇలా మార్చారట. కోవెలమూడి ప్రకాష్ ఇంట్రడ క్షన్ సందర్భంగా "అరెరె ఎవరిది అరెరె ఎవరిది అరెరె ఎవరిది తెరపైకొచ్చి మనసే దోచిన సూర్య ప్రకాశమిది" అంటూ రాసుకొచ్చారు.
ఫైనల్లీ: నేను ఇంటర్ చదువుతున్న రోజులు. సంస్కృత శబ్దం రాక ఇబ్బందులు పడుతున్న రోజులు. సాహిత్యంలో అ..ఆ.. లు కూడా తెలియని రోజులు. అలాంటి రోజుల్లో ఓ రోజు ఈనాడు పత్రికలో మంచి పాట అంటూ ఎక్కడో పుట్టి ఎక్కడో పెరిగి పాటను, మరోసారి లక్కీలక్కీ ఎంతెంతో లక్కీ అంటూ మరో పాటనూ ప్రచురించారు. ఈ పేపర్లు అప్పట్లో నా నోట్సులకు కవర్ పేజీలు. ఇన్స్పిరేషన్లు. సో... ఇప్పుడు అన్నయ్య చెప్పినట్టు మౌనంగా ఎదుగుతున్నా... టీని ఘనాపాటీగా తాగుతున్నా....

Poets Dias Team

Editor and Administrator
Deekshitula Subrahmanyam
Place: Rajahmundry    Cell: 94404 51836
Editorial Team
P. Raghuram (Hydearabad)
P.Ravichandra (Nellore)
PVB Sanjeevarao(Rajahmundry)
A.RavindraBabu(Amalapuram)
Sirisha (Pune)

ఎక్స్ క్యూజ్ మీ బాస్

పగిలిన అద్దం ముక్కల్ని ఏరుకుంటున్నా... ఒక్కో ముక్కకి ఒక్కో ముఖం వాటన్నిటికీ అభిముఖంగా ఎన్నో ముఖాలు కట్ చేస్తే ఎదురుగా నాకన్నా కొత్త దనంతో ఆలోచించే రాము. ఎస్ వాట్ ఐయాం సేయింగ్ ఇట్స్ వెరీ క్లియర్ అని నమ్మి ప్రయాణించే (అభి)వ్యక్తి రాము. అందుకే అతడికి దెయ్యం, భూతం, యజ్ఘోపవీతం ఇవన్నీ అతడికి సాధారణ విషయాలు. ఎటువంటి పార్లాక్స్ దోషాలు లేనటువంటి విషయాలు. అప్పటివరకూ పాతుకుపోయిన, బూజు పట్టిన ఫీలింగ్స్ ను కిక్ చేస్తూ అవసరమొస్తే కరణ్ జోహార్ ను విమర్శిస్తూ, అవసరం ఉన్నా, లేకున్నా వార్తల్లోకెక్కే నైజాన్ని పదునెక్కిస్తూ ఎదిగే శక్తి రాము. అతడికి శూన్యం నుంచి శబ్దాన్ని, శబ్దం నుంచి నిశ్శబ్దాన్ని మలచడం వచ్చు. ఎవరైనా విలేకరి "మీకు ఫలానా హీరోయిన్ తో లింక్ ఉందట" అని అడిగారనుకోండి "హీరోయిన్లంతా నా అక్కా చెల్లెళ్ళండి" అనే కామెంట్ ను విసిరి పారేస్తాడు. పోనీ అలా అని తను అన్న మాట మీద నిలబడతాడా అంటే కాదు. శ్రీదేవిని శృంగార రసాధి దేవతగా కీర్తిస్తూ తన రాణీని బోనీ ఎగరేసుకుపోవడాన్ని సహించలేకపోతూ... అప్పుడప్పుడూ తన దురదృష్టాన్ని ప్రస్తావిస్తూ (బహుశా ! ఇలా అంటే రామూ ఒప్పుకోడేమో !) లైవ్ లైఫ్ కహానీ ఇన్ స్టెంట్ గా చెబుతాడు. ఏది ఏమైనా అతడో పెర్సెప్షనిస్టు. అంతే ! మరో మాట చెప్పను. అతడన్నట్టే కొంతకాలమాగితే వాస్తవాలు రుజువైతే అవి ఎన్నో సిద్ధాంతాలుగా రూపుదిద్దుకుంటాయి. ఒక్కమాటలో చెప్పాలంటే వర్మ అనే పోయట్ ని ఎవరూ అంత వేగంగా యాక్సెప్ట్ చేయరు, చేయలేరు. కొత్తల్లో నేనూ అంతే! ఆ నోట... ఈ నోట అతడి గురించి విని తెలుసుకున్నాకా నా అభిప్రాయం తప్పనుకున్నా. అటువంటి వాతావరణం నుంచి తప్పుకున్నా.
   మనిషిలో ఉండే డార్క్ నెస్ అంటే అతడికి ఇష్టం. దాన్నే వెలుగులోకి తీసుకొస్తుంటాడు. పదే పదే చెప్పిందే చెప్పి తల బొప్పి కట్టించకపోవడం అతడి నైజం. అందుకే అతడంటే మామూలు జనాలకు కూడా అంత ఇష్టం. " నా జీవితంలో చేసిన పెద్ద తప్పు షోలే ని రీమేక్ చేయడం, మరెప్పుడూ క్లాసిక్స్ జోలికి పోను అని ఘంటాపదంగా చెప్పగలడు. అవసరమనుకుంటే ఆచరించగలడు, లేదంటే లేదు. ఆవిధంగా చెప్పి కూడా తనదైన వేలో కన్విన్స్ చేయగలడు. ఎలా అంటారా... " మీరు ఓ పుస్తకాల షాపుకి వెళ్ళారనుకోండి. అక్కడ పోయెట్రీ, క్లాసిక్స్, కామిక్స్ ఇలా అన్నీ ఉంటాయి. అక్కడ ఎవరికి ఏది నచ్చితే అదే కొనుక్కుంటారు. అలానే నా సినిమాలు కూడా ! నచ్చడం, నచ్చకపోవడం మీ ఇష్టం" అంటూ భావోద్వేగాలను అండర్ కరెంట్ గా ప్లే చేయగలడు. ఆ విధంగా అతడో ప్లేయర్. అతనికి (కరణ్) జోహార్ ఒక జోకర్. తన ఓటమికి తానే బాధ్యుడ్నని నిర్మొహమాటంగా ప్రకటించుకోగలడు. వాస్తవానికి ఈ పెర్సెప్షన్ డైరెక్టర్ అవ్వాలి అని కలలుగంటున్న రోజులనుంచీ ఉంది.

        నగరానికి దూరంగా ఓ అపార్ట్ మెంట్. అందులో కొత్తగా పెళ్ళైన జంట ఫ్లాట్ తీసుకుని అడుగిడితే అక్కడో దెయ్యముంటే ఏంటి కథ. ఈ థాటే పన్నెండో అంతస్థు. అప్పటి వరకూ కలిసి పనిచేస్తున్న అమ్మాయిపై భార్యకు అనుమానం. దీంతో ప్రతిరోజూ అతడ్ని సాధిస్తుంటుంది. అరిచి గోల చేస్తుంటుంది. ఈ ఎమోషన్ కు వెక్స్ అయిపోయిన హీరో ఆమెపై చేయి చేసుకుంటే... ఆమె చనిపోతే ఏంటి కథ అన్నదే " మధ్యాహ్నం హత్య". బెజవాడ రౌడీలు అంటే మీకు కోపమొచ్చింది. కాదనను. మరి ! బెజవాడ గాంధీలు అంటే నా సినిమాకు కలెక్షన్లు తెచ్చి పెడతారా ! అని సూటిగా ప్రశ్నించగలడు.
కట్ చేస్తే....
మన వీధుల్లో దొమ్మీ ఏ విధంగా ఉంటుందో అదే రామూ ఫైట్. మనం ఏది మాట్లాడుకుంటామో అదే రామూ డైలాగ్. మనం ఎలా యాక్ట్ చేస్తామో అదే రామూ డైరెక్షన్. మనం ఏవిధంగా సంభాషించుకుంటామో అదే అతని పాట. తన మీద తాను సెటైర్ వేసుకున్నా, రాఘవేంద్రరావు వంటి సీనియర్ల మీద సెటైర్ వేసినా అదంతా ఆ... జీవికే.. ఆర్ జీవీకే చెల్లు.

సో.. ఇప్పుడు రాము మనకి డైరెక్టర్ కాదు. రాము మనకో వాక్యం (నా ఇష్టం పేరుతో పుస్తక రూపంలో అట్టహాసం చేశాడు గనుక.) ఓ బ్రాండ్ అంబాసిడర్. బిగ్ పిక్చర్స్, సహారా వంటి సంస్థలకు అతడో "కంపెనీ". మొత్తమ్మీద మనందరినీ తన ఆలోచనలతో తనదైన స్పేస్ లోకి తీసుకెళ్ళే రాడార్. ఒక్కసారి ఆ... విండో తెరిస్తే .. ఒక్కసారి ఆ... డోస్ తీసుకుంటే.... ముంబయి మురికివాడలు... దావూద్ ఇబ్రహీంలు, శ్రీదేవి లాంటి శృంగార నాయికలు.. నగ్న పాదాలతో నడిచే రైఫిళ్ళు... నిజాలు... పెర్సెప్షనిజాలు... రంగీలాలు.... అట్టర్ ఫట్ అయిన ఆగ్ లు... ఇంకా కొన్ని కలల రీళ్లు ఈస్తటిక్ సెన్స్ లో గిర్రుగిర్రుమని మీచుట్టూ చక్కర్లు కొడుతుంటాయి. ఆ... ప్రపంచానికి రామూయిజంతో మిమ్మల్ని ఆహ్వానిస్తున్నాం. ఆర్ యూ రెడీ.
పీ.ఎస్.
ఎక్స్ క్యూజ్ మీ బాస్ వుడ్ వియ్ షేర్ యువర్ ఫీలింగ్స్ వితౌట్ ఎనీ హిపోక్రసీ. (ప్లీజ్! పెర్మిట్ అజ్)
ఇలా అంటే నన్ను అర్ధం చేసుకోవడం, చేసుకోకపోవడం మీఇష్టం అని లక్షా తొంభయ్యోసారి చెబుతాడేమో!
ఇలా ఎన్నిసార్లన్నా
ఏ అభిమాన సంఘాలూ లేని రాము
నిష్టుర "సత్యం"ను చెప్పే రాము
అందమైన అబద్ధం చెప్పే రాము
అవార్డులంటే అసహ్యించుకునే రాము
మనకు వద్దన్నా తలంపులోకి వస్తాడు. బాస్ తిట్టినప్పుడో.... సర్ర్ మని వెళ్తున్న కారు బురదనీటిని షర్ట్ మీద తుళ్ళించినపుడో.... వీరావేశాలతో మనకు ఫలానా వారంటే అభిమానమని చెప్పినపుడు సముదాయిస్తాడు. ఇది కరెక్ట్ కాదు కన్నా! అని చెబుతాడు.
ఇంకెందుకు ఆలస్యం.
హేవ్ ఎ "కంపెనీ" విత్ రామ్ గోపాల్ వర్మ.
... "నా ఇష్టం" చేతికి చిక్కాక.

                                                                 - శంభుమహంతి రత్నకిషోర్