నువ్వు...నిస్సారమైన నా జీవితాన్ని
కలకంటే మధురంగా మార్చావు
లక్ష్యం లేని నా బతుక్కి
చుక్కానివై నను నడిపించావు
మోడువారిన నా ఆశలపై
వర్షమై కురిశావు
శిథిలమైన మనోవీధిలో
హర్షమై మెరిశావు
నిద్రాణంగా ఉన్న నా ఆశయాలను
తిరిగి మేల్కొలిపావు
నాలోని నిర్వేదాన్ని
కడవరకూ పారద్రోలావు
నా ప్రతి అడుగునా
వీడని తోడువై నడిచావు
తరగని స్ఫూర్తివై
నను నడిపించావు
నా హృదయానికి
స్పందనవయ్యావు
నా సంకల్పానికి
ఇంధనమయ్యావు
ఇంత చేసిన నువ్వు....
నాకు ఇన్నయిన నువ్వు...
నేను నీకేమవుతానని
నిలదీస్తే....?
మన అనుబంధం ఏమిటని
ప్రశ్నిస్తే...?
ఏమని చెప్పను
ఎలా వివరించను?
నాకన్నీ నువ్వేనని
ఎలా నమ్మించను...
నువ్వే లేనినాడు
నాకేదీ లేదని
నీకెలా తెలియజెప్పను?
-దీక్షిత్
